ԳՊՄԻ-ի «Գիտություն և հետազոտություն» բաժինը կազմավորվել է 2016թ. մարտ ամսին՝ «Հետբուհական և լրացուցիչ կրթություն» բաժնի հիման վրա: Բաժինը գործում է ԳՊՄԻ-ի զարգացման ռազմավարական ծրագրին (2015-2019թթ.) և աշխատանքային պլանին համապատասխան:

ԳՊՄԻ-ի «Գիտություն և հետազոտություն» բաժինն իրականացնում է հետևյալ հիմնական գործառույթները.

1. Հետազոտողի 3-րդ կրթական աստիճանի (հայցորդություն/ասպիրանտուրա) ուսումնական և գիտահետազոտական գործընթացի կազմակերպում:
2. Պրոֆեսորադասախոսական կազմի համար մասնագիտական և ընդհանուր ուղղվածության վերապատրաստումների կազմակերպում:
3. Սեմինարների և գիտաժողովների կազմակերպում՝ ելնելով կրթության ոլորտում առկա արդի հիմնախնդիրներից, ինչպես նաև այլ բուհերի կողմից կազմակերպվող սեմինարների և գիտաժողովների վերաբերյալ տեղեկատվության տրամադրում և տարածում բուհի աշխատակիցների շրջանում:
4. ԳՊՄԻ-ի պրոֆեսորադասախոսական կազմի գիտական գործունեության տվյալների տարեկան բազայի պատրաստում, համեմատական վերլուծություն:
5. Ելնելով ԳՊՄԻ-ի զարգացման ռազմավարական ծրագրից և «Գյումրու Մ. Նալբանդյանի անվան պետական մանկավարժական ինստիտուտ» ՊՈԱԿ-ի պրոֆեսորադասախոսական կազմի գիտահետազոտական և գիտամեթոդական աշխատանքների խթանման ընթացակարգից՝ տարեկան հավելավճարի տրամադրման գործընթացի կազմակերպում:
6. ԳՊՄԻ-ի պրոֆեսորադասախոսական կազմի ներկայացուցիչների կողմից տպագրության ներկայացրած գիտամեթոդական աշխատանքների, մեթոդական ձեռնարկների, դասագրքերի գրախոսման կազմակերպում, ինչպես նաև այլ բուհերի կողմից ուղարկված նման աշխատանքների գրախոսման կազմակերպում ԳՊՄԻ-ի համապատասխան ամբիոններում:
7. Ելնելով ԳՊՄԻ-ի զարգացման ռազմավարական ծրագրից և «Գյումրու Մ. Նալբանդյանի անվան պետական մանկավարժական ինստիտուտ» ՊՈԱԿ-ի գիտական գործունեության համար ներբուհական դրամաշնորհի տրամադրման կարգից՝ դրամաշնորհների մրցույթի կազմակերպում:

Բաժնի աշխատակիցներ

ԳՊՄԻ-ի «Գիտություն և հետազոտություն» բաժնի աշխատանքները կազմակերպվում և իրականացվում են 3 աշխատակիցների օգնությամբ.

Լիլիթ Մարգարյան-«Գիտություն և հետազոտություն» բաժնի վարիչ

Անի Սահակյան- «Գիտություն և հետազոտություն» բաժնի գիտական  քաղաքականության և զարգացման պատասխանատու

Լիլիթ Պապիկյան-«Գիտություն և հետազոտություն» բաժնի հետազոտողի 3-րդ կրթական աստիճանի պատասխանատու

Էլ. փոստ՝ gspi.science@gmail.com

Հեռ.՝ +374 98 251826, +374 69494