1923-թ աշնանը հանրապետության ԼուսԺողկոմը քննարկեց մանկավարժական տեխնիկումներ ստեղծելու անհրաժեշտությունը, սակայն կայացրած որոշումը ժամանակավորապես հետաձգվեց նյութատեխնիկական բազայի և ուսուցչական կադրերի պակասի պատճառով: Միայն 1924–1925 թթ. Գյումրու Արղության օրիորդաց 7 ամյա  դպրոցի բազայի վրա հիմնադրվեց մանկավարժական տեխնիկումը: Աշխատանքներին մասնակցություն ունեցան հեղկոմի նախագահ Ս.Կասյանը, Ա.Մռավյանը, ԼուսԺողկոմ Ա.Հովհաննիսյանը, քաղաքի ժողկրթբաժվար Հ.Կարախանյանը: Անդրանիկ ուստարում ընդունվեցին IV-V դասարանի կրթություն ունեցող 20-22ամյա երիտասարդներ: Ավելի ուշ ընդունելությունը կատարվեց թերի միջնակարգ կրթության բազայի վրա: Սկզբում 60 սովորողներ էին և մեկ դպրոցական բաժին:

 Առաջին տնօրենը եղավ Սարգիս Խաչատրյանը: Ունենալով հիմնական մասնագիտական կրթություն, կազմակերպչական լուրջ կարողություններ, վերջինս գերազանց կատարեց մանկավարժի և տնօրենի իր պարտականությունները: Հրապարակի վրա եղած ուսումնական ծրագրերը նա հմտորեն խմբագրեց, ամբողջացրեց, հոգաց դասագրքերի, հաստատությունը որակյալ մանկավարժներով համալրելու, նյութական բազա ստեղծելու մասին:

  Առաջին շրջանավարտները`  50 մանկավարժներ, տեխնիկումն ավարտել են 1928-1929 ուստարում: 19–րդ դարի վերջին և 20-րդ դարի սկզբին  հայ լուսավորիչ-մանկավարժների ավանդույթները որդեգրած մի նոր սերունդ շեմեց ուսանողական լսարաններում: Նշանավոր ժուռնալիստ-մանկավարժ, <> ամսագրի նախկին խմբագիր Հովհաննես Տեր–Ստեփանյան , Կարապետ Դուրգարյան, մարդիկ, որոնք ուսումնառել էին արտասահմանում. Մոսկվայում, Լենինգրադում, որոնք գիտակ էին ու բազմահմուտ, սիրով ձեռնամուխ եղան իրենց հոգու գանձերը ուսման ծարավ պատանիների ու աղջիկների սեփականությունը դարձնելուն: Սակայն արագ վրա հասավ <>: Նրանցից շատերն անարդարացիորեն մեղադրվեցին , աքսորի  դատապարտվեցին և դարձան 37-ի զոհեր:

  Ուսումնական հաստատությունը ճանապարհ ընկավ: Նրա շրջանավարտներից էին` Հովհաննես Բաղդասարյանը, Ալեքսան Կիրակոսյանը, Հովհաննես Շիրազը, Լյոդվիգ Միքայելյանը, Աղավնին, Արշալույս Սարոյանը, Սենեքերիմ Սիմոնյանը, Վախթանգ Աբրահամյանը, Վաղինակ Ղալթանջյանը, Հակոբ Մսրյանը, Սոկրատ Վարդանյանը, Դուխիկ Շամցյանը,  Բաբկեն Մառանջյանը, Ա.Դավթյանը:

   1930-1931 ուս տարում տեխնիկումում սկսել է գործել նախադպրոցական նոր բաժին: Այդ գործում իր ավանդն  ունեցավ Հովհաննես Տեր-Միրաքյանը:

  1941-1942 ուստարում միանում են հայկական և ռուսական մանկավարժական ուսումնարանները` դիրեկտոր Իլյա Միխտիլիդենի  ղեկավարությամբ: Ռուսական բաժինը մեծ ավանդ ներդրեց ռուսաց լեզվի դասատուներ պատրաստելու գործում մինչև 1959 թվականը: Այդ տարիների շրջանավարտներից են Վ. Հայրապետյանը, բարձրագույն դպրոցի դասախոսներ Լյուդմիլա Սերովան, Մարիա Լևվինցովան,  Վալենտինա Գրիգորյանը, Վալենտինա Ռյազանցևան և ուրիշներ:

  1957-1958 թթ.ուսումնարանը ձեռք է բերում երաժշտական թեքում, պատրաստում երգ-երաժշտության մասնագետներ դպրոցի համար: Տարեց-տարի հարստանում է ուսումնարանը, պատրաստելով գծագրության, աշխատանքի ուսուցման, տնարարության դասատուներ:

  Քաղաքի հասարակական և մտավոր կյանքում նշանակալից դեմքեր են եղել ուսումնարանի դիրեկտորներ Սարգիս Խաչատրյանը, Վաղինակ Ստեփանյանը, Անդրանիկ Սավոյանը, Ալավերդի Ֆայրոյանը, Հովհաննես Դավթյանը, Աղունիկ Հարությունյանը: Բացառիկ էր նաև Ռաֆիկ Մելիքյանի ներդրումը: Նա իր հարուստ գիտելիքներն ու մանկավարժական փորձը ներդնելով , իրացրեց դասավանդման նոր մակարդակը մինչև 1993 թվականը:

  89- ամյա ուսումնարանում նախկինում գործել են դպրոցական , նախադպրոցական, բանսիրական, ռուսական, 8-ամյա դպրոցական և նախադպրոցական, ինչպես նաև հեռակա բաժինները: Այստեղ դասավանդել են  44 մանկավարժներ շուրջ 15 – ամյա աշխատանքային ստաժով : Ուսումնարանի լավագույն ավանդույթներն արժանիորեն շարունակել են  Զավեն Ալեքսանյանը, Գևորգ Հարությունյանը ,  Վիկտորյա Խալաթյանը, Հրանուշ Կարապետյանը, Ջեմմա Եղշատյանը, Օլգա Պողոսյանը, Սվետլաննա Քուշքյանը, Լյուդմիա Հակոբյանը:

  Ուսումարանը մեծ մասնակցությունը է ունեցել քաղաքի հասարակական կյանքում, բայց ելույթներով հանդես է եկել տոնական հրապարակներում: Ուսումնարանում  միշտ ծաղկում էր արվեստը, կազմակերպվում էին գեղեցիկ միջոցառումներ: Նկարչության, կերպարվեստի մասնագետ Սուրեն Աստոյանի սաների աշխատանքները հիացրել են բազում սերունդների: Այդ գործը շարունակվել են շնորհիվ շնորհալի դասատուներ Սեդա Սարգսյանի, Արուսյակ Ճարտարյանի, Վահան Վիրաբյանի, Ռուզան Մելիքյանի: Ֆիզիկական դաստիարակության գործում հմուտ վարպետներ էին  Հրանտ Հարոյանը, Ռաֆիկ Սաֆարյանը,  Վարդուշ Մովսիսյանը, Գուրգեն Դանիելյանը, Գևորգ  Եղոյանը: Վերջին  տարիներին հանրապետության միջին մասնագիտական ուսումնական հաստատությունների մարզական խաղերում քոլեջի հավաքական թիմերը  դարձել են հաղթողներ ինչպես առանձին սպորտաձևերում, այնպես էլ` ընդհանուր թիմային:

  Աղետ: Փլված ուսումնարանի շենք: Անվերադարձ կորուստներ: Հանրակացարանի շենքը տրամադրվում է ուսումնական նպատակով: Վիթխարի աշխատանք, հարմարեցվող դասարաններ, կահավորվում էին նոր լոբորոտորիա-կաբինետներ: Ուսումնարանը վերականգման ռիթմ էր ապրում, ստանում երկրորդ շնչառություն:

1993-2010 թթ.մանկավարժական քոլեջը ղեկավարել է  Ռաֆիկ Սաֆարյանը : 1994 թ-ին մանկավարժական քոլեջը մեծ շուքով նշեց իր 70 – ամյա հոբելյանը:

Քոլեջի առօրյան հագեցված է բազմաբովանդակ միջոցառումներով: Մասնակցությունը քաղաքային և հանրապետական տարբեր հանդեսների, մասնագիտական ցուցահանդեսների, ուսանողական փառատոների և միշտ էլ արժանացել  բարձր գնահատականի:

  2009 թվականին մեծ շուքով նշվեց քոլեջի 85 –ամյա հոբելյանը:

  2010-2012 թթ.տնօրեն է նշանակվել Աստղիկ Սաֆարյանը: 2011-2012 ուս-տարում մանկավարժական քոլեջը միավորվեց ԳՊՄԻ-ի ն` դառնալով ԳՊՄԻ-ի միջին մասնագիտական կրթության բաժին: Ուսուցումը կազմակերպվում էր մոդուլային ծրագրով: Քոլեջի բոլոր դասախոսները վերապատրաստվել են ՄԿՈՒԶԱԿ-ի կողից, իսկ չորս դասախոսներ վերապատրաստվել են միջազգային «INVENT» կազմակերպության ծրագրերով: Միջին մասնագիտական բաժնում ունենք նաև վերապատրաստող դասախոսներ: 2012-2013 ուս-տարվանից այն տնօրինում է Կարինե Այվազյանը: 

  2012-2013 թ-ին ԳՊՄԻ-ի միջին մասնագիտական բաժնում ընդունելություն չի կազմակերպվել:

 2013-2014 ուս-տարվանից ԳՊՄԻ-ի  միջին մասնագիտական բաժինը համալրվել  է նոր  և  ժամանակակից  բաժիններով` ՆԱԽԱԴՊՐՈՑԱԿԱՆ ԿՐԹՈւԹՅՈւՆ, ՍՈՑԻԱԼԱԿԱՆ ԱՇԽԱՏԱՆՔ, ՇՈւԿԱՅԱԲԱՆՈւԹՅՈւՆ ԸՍՏ ՃՅՈւՂԵՐԻ, ԹԱՐԳՄԱՆՈւԹՅՈւՆ ԵՎ ՄԱՔՍԱՎԱՐՈւԹՅՈւՆ, ԹԱՐԳՄԱՆՈւԹՅՈւՆ ԵՎ ԱՐԽԻՎԱՎԱՐՈւԹՅՈւՆ, ԹԱՐԳՄԱՆՈւԹՅՈւՆ ԵՎ ԳՈՐԾԱՎԱՐՈՒԹՅՈՒՆ, ԶԲՈՍԱՇՐՋՈՒԹՅՈՒՆ, որոնց շնորհիվ միջին մասնագիտական բաժինը ծաղկման նոր փուլ է մտնում: ԳՊՄԻ-ի միջին մասնագիտական բաժինը մշտապես համագործակցում է մյուս քոլեջների` ՄԿՈՒԶԱԿ-ի հետ, հաճախակի կազմակերպվում են դասալսումներ: Բարձր մակարդակով և կազմակերպված է անցնում մ/մ բաժնի պրակտիկան: ԳՊՄԻ-ի միջին մասնագիտական բաժնի ուսանողներին տրվում է միջին մասնագիտական կրթության պետական դիպլոմ, իսկ բարձր առաջադիմության դիպլոմով մ/մ բաժինն ավարտած  բոլոր շրջանավարտներն իրավունք ունեն իրենց ուսումը շարունակելու բուհերի II կուրսերում(առկա, հեռակա)` նույն մասնագիտությամբ:

  Այսօր ԳՊՄԻ-ի միջին մասնագիտական բաժինն ունի 93 ուսանող, որից 77 –ը սովորում են անվճար համակարգով,  իսկ 16-ը` վճարովի:

	Այվազյան Կարինե Ինքնակենսագրություն

Քոլեջի աշխատակիցներ

	Հովհաննիսյան Անահիտ  Ինքնակենսագրություն		Մկոյան Անահիտ Ինքնակենսագրություն		Պողոսյան Անահիտ Ինքնակենսագրություն
	Քոչարյան Արտուշ Ինքնակենսագրություն		Հարությունյան Զոյա Ինքնակենսագրություն		Աբրահամյան Լիլիթ Ինքնակենսագրություն
	Զաքարյան Հայարփի Ինքնակենսագրություն		Արսենյան Հասմիկ Ինքնակենսագրություն		Նորիկյան Հասմիկ Ինքնակենսագրություն
	Հարությունյան Հեղինե Ինքնակենսագրություն		Խաչատրյան Հերմինե  Ինքնակենսագրություն		Գևորգյան Մարինե Ինքնակենսագրություն
	Մկրտչյան Նաիրա  Ինքնակենսագրություն		Թորոսյան Նաիրա  Ինքնակենսագրություն		Հակոբյան Նարինե  Ինքնակենսագրություն
	Քոչարյան Շողիկ Ինքնակենսագրություն		Աթանեսյան Չնաշխարհիկ  Ինքնակենսագրություն		Հովհաննիսյան Վահագն  Ինքնակենսագրություն
	Մակարյան Վաչագան  Ինքնակենսագրություն		Ասատրյան Վարդուհի Ինքնակենսագրություն		Էլոյան Քնարիկ Ինքնակենսագրություն
	Հակոբյան Ֆլորա Ինքնակենսագրություն