Փիլիսոփայությունը որպես հիմնական դասընթաց ինստիտուտում դասավանդվել է մշտապես՝ ինստիտուտի հիմնադրման տարեթվից/1934թ./: Երկար տարիներ ամբիոնը գործել է տարբեր անվանումներով, նախ, իբրև մարքս-լենինյան փիլիսոփայության, ապա փիլիսոփայության և գիտական կոմունիզմի, ավելի ուշ փիլիսոփայության և քաղաքատնտեսության ամբիոն: Իսկ 1991թվականից՝ որպես   ինքնուրույն՝ փիլիսոփայության ամբիոն: 2013 թվականին ինստիտուտի գիտական խորհրդի որոշմամբ  ամբիոն տեղափոխվեցին  ‹‹Քաղաքագիտություն›› և ‹‹Սոցիոլոգիա›› առարկաները և ամբիոնը վերանվանվեց ‹‹Փիլիսոփայության և հասարակագիտության››:

Ինստիտուտի գոյության շուրջ 70-ամյա պատմության ընթացքում ամբիոնում աշխատել և փիլիսոփայություն են  դասավանդել բուհական կրթության բազմաթիվ երախտավորներ, այդ թվում՝ ինստիտուտի  ռեկտորներ, անվանի դասախոսներ՝ դոցենտներ Մովսես Մարգարյանը, Շավարշ Ազնաուրյանը, պրոֆեսոր Կարապետ Հովսեփյանը: Տարբեր տարիներ ամբիոնը հաջորդաբար գլխավորել են՝ դոցենտ Հովակիմ Գրաբսկին, պրոֆեսոր Կարապետ Հովսեփյանը, դոցենտ  Հերբերտ Բարսեղյանը: 2008-ից ամբիոնը ղեկավարում է փիլիսոփայական գիտությունների թեկնածու, դոցենտ Հայկ Հարոյանը: Փիլիսոփայական կադրերի պատրաստման  և բուհական կրթության զարգացման գործում ունեցած մեծ վաստակի համար 2004թ. ինստիտուտի գիտական խորհրդի որոշմամբ  ամբիոնը կոչվեց պրոֆեսոր Կ.Հովսեփյանի անունով:

Այժմ ամբիոնում աշխատում են ութ դասախոս, որից  երեքը գիտության թեկնածուներ են, դոցենտներ, երկուսը՝ ասիստենտներ, իսկ մյուսները՝ դասախոսներ:

Ամբիոնը ուսումնական գործընթաց է իրականացնում ինստիտուտի բոլոր ֆակուլտետներում՝ փիլիսոփայություն, մշակութաբանություն, կրոնագիտություն, իրավագիտություն,  տրամաբանություն, քաղաքագիտություն և սոցիոլոգիա առարկաների գծով:  Նրա դասախոսները բազմաթիվ գիտական հոդվածների, մի շարք ուսումնաօժանդակ ձեռնարկների, մենագրությունների հեղինակներ են: Նրանք բազմիցս զեկուցումներով և հաղորդումներով հանդես են եկել միջազգային, հանրապետական գիտաժողովներում: Գիտական հոդվածներով հանդես են գալիս ինչպես հանրապետական ամսագրերում, այնպես էլ ինստիտուտում մշտապես անցկացվող գիտաժողովների նյութերի ժողովածուներում: Ամբիոնում իրականացվում է գիտահետազոտական հեռանկարային ծրագիր՝ ‹‹Փիլիսոփայություն և մշակույթ›› հիմնախնդրի շուրջ: Այդ ծրագրի շրջանակներում 2010թ. հրատարկվեց  գիտական աշխատանքների  ժողովածուի առաջին պրակը, որում ընդգրկված էին ինչպես ամբիոնի դասախոսների, այնպես էլ ինստիտուտի հումանիտար և բնագիտական մի շարք ամբիոնների դասախոսների գիտական աշխատանքները: Նույն թեմատիկայով հրատարկման է պատրաստվում ժողովածուի երկրորդ պրակը/2014թ./:

Ուսումնական և գիտահետազոտական աշխատանքներին զուգընթաց ամբիոնի դասախոսները գործուն մասնակցություն են ունենում քաղաքի, մարզի և Հանրապետության հասարակական-քաղաքական ու մշակութային կյանքին:

Հարոյան Հայկ Փիլ. գ. թ.դոցենտ Ինքնակենսագրություն Աշխատություններ Վկայագրեր

Մեր դասախոսները՝

	Ղանդիլյան Զավեն Ասիստենտ Ինքնակենսագրություն Աշխատություններ Վկայագրեր		Խաչկալյան Սիրանուշ Ասիստենտ Ինքնակենսագրություն Աշխատություններ Վկայագրեր		Հախվերդյան Վարդան Փիլ. գ. թ., դոցենտ Ինքնակենսագրությունննն Աշխատություններ Վկայագրեր
	Ղալաչյան Ժիրայր Դասախոս Ինքնակենսագրություն Աշխատություններ Վկայագրեր